'Үхдэл эргэж ирсэн нь'. Виктор бол гэмт хэргийн ертөнцийн зартай этгээд Альфонсийн бүлэглэлд шургалан орсон бас ч үгүй нэр хүнд олж итгэмжлэгдсэн нэгэн. Альфонс Викторын хүч чадал, төгс гүйцэтгэлд итгэдэг. Гэвч Виктор хайртай гэр бүлийг нь үгүй хийж аз жаргалыг нь булаасан өш хорслоо авах гэсэн ганцхан зорилгоор Альфонсийн бүлэглэлд шургалсан байдаг. Санамсаргүй тохиолдлоор тэр Беатрис гэх нууцлаг эмэгтэйтэй учрах бөгөөд тэр ч мөн адил өш хорсол өвөртөлсөн нэгэн байдаг. Беатрис Викторын аймшигт нууцыг мэдсэний дараа өөрийнх нь өшөө авалтанд туслахгүй бол бүгдэд илчилнэ гэж сүрдүүлнэ. Гэвч эцэстээ тэд харилцан хайр сэтгэлтэй болж мөн тус тусын зорилгоо биелүүлэх болно.