Найруулагч Philip Kaufman-ы бүтээл 'Hemingway & Gellhorn' хайр, уянгын кинонд Америкийн уран зохиолын түүхэн дэхь хамгийн алдартай хосын нэг болох Ernest Hemingway болон Marta Gellhorn нарын амьдрал, хайр дурлалын тухай өгүүлнэ. Нэрт зохиолч Hemingway Дэлхийн 2-р дайны гал дунд танилцаж дурласан сэтгүүлч бүсгүй Марта-тай гэрлэхийн тулд хоёр дахь эхнэрээсээ салсан байдаг ч 1945 онд Marta түүнээс салж оддог. Энэ явдал нь Ernest Hemingway-г шилдэг бүтээлүүдийнхээ нэг болох 'For whom the Bell Tolls' романаа бичих сэдэл болсон гэдэг байна. Киноны төгсгөлд Marta Gellhorn сэтгүүлчдэд өгсөн ярилцлагадаа 'Бид дайны гал дунд эвтэй байсан. Харин дайн үгүй болоход өөрсдийн дайнаа бий болгосон. Бидний хэн нь ч амьд үлдэхгүй тулааны талбар бол гэр бүлийн амьдрал байсан юм' гэж хэлдэг нь тэдний салалтын тайлал болдог. Энэхүү бүтээл нь дэлхийн нэр хүндтэй томоохон 7 кино наадмын 25 номинацид нэр дэвшиж 2 шагналын эзэн болсон шилдэг бүтээл юм. 20-р зууны хамгийн цуутай дайны сурвалжлагч эмэгтэй болон Нобелийн шагналт зохиолч хоёрын хайр дурлал, амьдралыг өгүүлэх энэ гайхалтай бүтээлийг таалан соёрхоно уу.