Money Ball' кино урлагын шилдэгүүдийг шалгаруулдаг Оскарын наадмаас шагнал хүртэж чадаагүй ч 6 төрөлд нэр дэвшин кино шүүмжлэгчдээс ихээхэн өндөр үнэлгээ авсан бүтээл юм. Түүхэн хүний амьдралаас сэдэвлэн бүтээсэн уг киноны гол дүрийг Холлевудын алдарт жүжигчин Brad Pitt бүтээжээ. Энэ бол 1979 он. Billy Beane тухайн үеийн бэйсболын тамирчдад төдийлөн байдаггүй бүх ур чадварыг бүгдийг нь төгс эзэмшсэн гайхалтай тоглогч байсан юм. Гүйдэг, хүчтэй цохидог, талбайд тоглодог, шиддэг, залуухан бөгөөд ирээдүйтэй гэдгийг тэр үеийн бэйсболын шилдэг дасгалжуулагчид олж харснаар Billy Beane-ийн амжилтын гараа эхэлсэн байдаг. Талбайд тоглохоо больсныхоо дараа Billy Beane өөрийн мөрөөдлийн багыг бүрдүүлэхээр зорьдог. Тэрээр тамирчдын талаарх судалгаа шинжилгээ хийдэг Peter Brand -тай танилцсанаар амьдралдаа бас нэг шинэ алхмыг эхлүүлдэг.