Янг бол дэлхийн хамгийн шилдэг илдчин. Тэр хүлээсэн үүрэг бүхнээ биелүүлж, таарсан өрсөлдөгч бүгдээ өмнөө сөхрүүлсээр ирсэн Япон удмын төгс дайчин. Гэвч тэр өрсөлдөгч удмынхныхаа сүүлийн үр сад болох бяцхан гүнжийг хороох даалгавраа биелүүлж төвдөлгүй бүхнийг орхиж хаяхаар шийдэн алс өрнөд рүү хуучны анд дээрээ очихоор явна. Түүнийг очиход эртний анд нь нас барсан байх бөгөөд Янг ч тэндээ суурьшиж бяцхан гүнжийг өсгөн, энгийн ардын амьдралаар амьдарч эхэлнэ. Илдээ хуйлсан байх үед нь атаатан дайснууд нь түүнийг хэзээ ч олж чадахгүй. Гэвч амьдарч байгаа тосгонд нь зэвсэглэсэн өөдгүй этгээдүүд халдан довтлох цагт Янг тосгоноо болон хайртай хүмүүсээ аврахын төлөө олон жил нуусан илдний шидээ үзүүлэхээс өөр аргагүйд хүрнэ. Жинхэнэ ази маягийн баатарлаг адал явдалт, илдний тулаант киног эргэн дурсахыг хүсвэл та бүхэн 'Дайчны замнал' киног тухлан сууж сонирхоорой.