Dream Works Pictures-ийн 2008 оны бүтээл 'Tropic Tunder' адал явдалт, инээдмийн уран сайхны киног комеди киноны сүүлийн үеийн томоохон од Ben Stiller найруулж, зохиолыг нь бичин, гол дүрд нь мөн тогложээ. Кинонд Вьетнамын дайны тухай жинхэнэ амьд юм шиг кино хийх гэсэн найруулагчийн хүсэл гол дүрийн жүжигчдийг хэцүү байдалд оруулдаг боловч үнэнч нөхөрлөл тэднийг авардаг. Партизануудад олзлогдсон кино жүжигчдийн баг өөрсдийгөө кинонд тоглосоор байгаа хэмээн дүрдээ итгэснээр элэг хөшөөм инээдтэй үйл явдлыг харуулдаг.