Хонг Конг нь Хятадад шилжүүлэгдэхийн өмнөх үе буюу 1990-ээд оны эхээр үйл явдал өрнөнө. Цагдаагийн түрүүч Ма Жун нь Арчер, Тони, Тайгер гэсэн вьетнам ах дүүсийн толгойлдог багахан боловч маш хүчирхэг нэгэн гэмт бүлэглэлийн араас олон жил мөрдөж байгаа нэгэн. Тэр өөрийн хамтрагч Уилсоныг тэрхүү бүлэглэлд амжилттай шургалан оруулах болно. Гэвч цагдаагийнхны гол ажиллагаа эхлэх үеэр Арчер баригдаж, Тайгер, Тони нар Уилсоны хэн болохыг мэдсэн байдаг. Хорсож өширхсөн ах дүү хоёр цагдаа нар болоод гэрч болох бүх этгээдийг устгаж Арчерыг аврахын тулд хөдөлж эхлэх болно. Хонконгийн сонгодог тулаант, адал явдалт жанрын энэхүү бүтээлийг шимтэн сууж сонирхоорой.