Эвдрэлцэж сүйд болоогүй ч хаяа хатган айлсдаггүй хоёр овог жилдээ ганцхан удаа нэгдэж хийдэг наадмынхаа үеэр тангараг тасарч жинхэнэ өштөн дайснууд болно. Тангараг тасрах энэхүү цуст үйлийг өдүүлсэн хэмээн яллагдсан Царам нэрт эр цаазын ялыг биеэр эдлэлгүй оргон зугтааж явахдаа өөрийг нь мөрдөн мөшгиж буй Бүгээн сарлагтынхны ахлаач Дөнжинцоохорын охин Гиймэлтэй учирна. Ах Гунанг нь алсан хэмээгдэж эх Дөнжинцоохорынх нь заналт дайсан болсон Царамд сэтгэл алдарсан Гиймэл өөрийн овгийнхондоо гадуурхагдаж, улмаар хайр сэтгэлээ өгсөн эрээ даган хээрээр гэр, хэцээр дэр хийж явахдаа бие тулгар болно. Тэдний хайр дурлал бүтэх болов уу? Аль эсвэл эмгэнэлт хувь заяа хүлээж байна уу?