Киноны агуулга
Уг кино нь гурван гол дүртэй бөгөөд бүгд өөрийн хүсэл мөрөөдлөөр оргилсон залуучууд. Яргуй дуучин болох хүсэлдээ хөтлөгдөн хотод ирж Хачир хэмээх зураачийн өрөөг хөлслөн сууснаар тэдний хооронд хөгжилтэй явдлууд өрнөдөг. Марал бол өөрийн үеийнхэн дотроо хожуу найз залуутай болж байгаа охин юм. Тэрбээр хэдийгээр найзуудтайгаа үзэл бодлоор зөрчилддөг боловч тэдний хүсэл мөрөөдөл нэг аж. Орон нутгаас хотод ирсэн Мөнхөө хэмээх гахайчин залуутай танилцаж тэдний хайр дурлал үргэлжлэх болно. Хобу үл хөдлөх хөрөнгөтэй болохыг мөрөөддөг нэгэн бөгөөд ажлыг багаас нь хийх дуртай нэгэн юм. Тэрээр эмнэлэгт хэвтсэн эмээгээ эргэж очихдоо тэнд эмчлүүлж буй Ариунаа хэмээх бүсгүйтэй хайр сэтгэлийн холбоотой болдог. Тэдний хооронд үл ойлгоцох зүйлс их гарах боловч тэд хэрхэн шийдвэрлэж байгааг болон тэдгээр дүрүүд хоорондоо нарийн уялдаа холбоотой, ижил хүсэл мөрөөдөлтэй гэдгийг харуулдаг.