Нутгийн наймаачин эр Тайвнаа хот тосгоны хооронд сүү зардаг нэгэн бөгөөд тэрбээр Манлайтай нэг галт тэргэнд сууж таарснаар түүний замыг будилуулж орхино. Манлай бол хотод төрж өссөн бөгөөд өөрийн найз бүсгүйтэй уулзахаар явж байсан боловч будилуу сандруу зантай Тайвнаагийн үгэнд итгэн Зүүнхараа дээр буун Гэрэлээ хэмээх бүсгүйнд ирдэг. Гэрэлээ бол өөрийн найз залууг ирэхийг хүлээн өдөр бүр галт тэрэг тосч зогсдог бүсгүй байв. Гэтэл урилгагүй зочин ирж тэдний гэрийнхэн болон түүний амьдралыг хөгжилтэй болгосноор үйл явдал сонирхолтойгоор үргэлжилнэ. Нэг л мэдэхэд Манлай Гэрэлээ хоёр бие биесдээ татагдан хайр сэтгэлтэй болцгоосон байдаг. Маргааш уулзахын тулд өнөөдөр салдаг... Үүрд хамт байхын тулд маргааш уулздаг...