Киноны агуулга
Киноны үйл явдал 1981 онд эхэлнэ. Тухайн оны Ардын хувьсгалын 60 жилийн ойн баяр наадмыг зохион байгуулах комисс нийгмийн архичин, биеэ үнэлэгч, халаасны хулгайч танхай этгээдүүдийг 14 хоногийн хугацаанд олон нийтийн газраар явахыг хориглож нийслэлээс тусгаарлаж албадан хөл хорих тушаал авснаар үйл явдал өрнөнө. Хөл хорионд орсон архичин Цогзолмаа, биеэ үнэлэгч Яргуй, халаасны хулгайч Жоохноо нар мөн тэднийг харгалзах Дашзэвэг, хэсгийн сэргийлэгч Бат-эрдэнэ, сэтгэц мэдрэлийн өвчтөн хэмээгдэх Чингис, хүүхэн дамладагаараа алдартай Саарал нарын хооронд үүсэх сонирхолтой үйл явдал зөрчлөөр дүүрэн байх бөгөөд хайр сэтгэл гэр бүл, эх үрийн нандин холбоо зэргийг шигтгэсэн байна.