Хүүхдүүд ээ, та нар сансар огторгуйн талаар юу мэдэх вэ? Огторгуй ертөнцөд та бидний мэдэхгүй олон гараг байдаг гэдэг үнэн үү? Энэ асуултын хариуг мэдэхэд 'Escape from the planet earth' хүүхэлдэйн кино туслах болно. Сансар огторгуйн дунд Baab хэмээх гараг бий. Тэнд та бидний мэдэхгүй харь гарагийнхан амьдардаг. Нэгэн удаа гараг эрхэст үл мэдэгдэх биет илэрснээр Baab гарагийн хамгийн агуу баатар Scorch Supernova сансрын судалгааны ажил хийхээр Харанхуй гараг руу явдаг. Тэдний хэлдэгээр харанхуй гараг бол бидний амьдарч буй дэлхий юм. Харанхуй гараг дээр ухаалаг бодь галиуд амьдардаг боловч тэд хоорондоо газар нутгийн маргаанаас болоод тэмцэлдэж байдаг төдийгүй тэдний гараг дээр энхийн хэлэлцээр хийхээр эрсэн гадны зочдоос хэн нь ч буцаж ирээгүй байна. Scorch Supernova Харанхуй гараг дээр ирсэн боловч хүмүүст олзлогддог. Ингээд түүний араас ах эрдэмтэн Gary Supernova дүүгээ аврахаар Харанхуй гараг руу явдаг. Үйл явдлын үргэлжлэлийг хүүхэлдэйн киноноосоо хүлээн авч үзээрэй.