Dream Works Animation болон Pacific Data Images-ийн хамтын бүтээл алдарт 'Кунфу Панда' хүүхэлдэйн киног мэдэхгүй хүн ховор бизээ. 2008 онд дэлгэцнээ гарсан анхны анги нь кино урлагийн дээд шагнал гардуулах Оскар наадмын 'Шилдэг анимэйшн' төрөлд нэр дэвшихийн зэрэгцээ ASCAP Awards болон дэлхийн олон олон кино наадамд шилдэгүүдтэй өрсөлдөж гайхалтай бүтээл гэдгээ батлан харуулж чадсан билээ. Адал явдалт, анимэйшн төрлийн тус хүүхэлдэйн кинонд том биетэй, хүчирхэг хэрнээ гэнэн томоогүй, идэж уухаас хэзээ ч буцдаггүй По панда өөрийн чадлаар хэрхэн күнфүгийн их мастер болж буй тухай өгүүлдэг. Ингээд олны хүртээл болсон цагаасаа эхлэн сая сая үзэгчдийг байлдан дагуулах болсон алдарт 'Кунфу Панда' хүүхэлдэйн киног эрхэм үзэгчиддээ зориулан хүргэж байна.