2010 онд нээлтээ хийсэн дөрөвдүгээр ангид гол дүр болох Шрек дуусашгүй олон адал явдлын дараа өөрийн хүүхдүүдээ хүмүүжүүлдэг ажилтай болсон байх ба нутгийн иргэд түүнээс айж эмээхээ больжээ. Гэрийн ажилдаа галзуурах шахсан Шрек адал явдалт амьдралаа мөрөөдөж эхэлнэ. Яг энэ үед тэрээр шидтэн Рампелстилскинтэй танилцах бөгөөд тэрээр Шрект урд өмнөхөөс ч илүү адал явдалт амьдралыг санал болгож хариуд нь түүний ердөө нэг өдрийн амьдралыг өөрчилж, цаг хугацааг урагшлуулахыг хүснэ. Адал явдлыг туйлын их мөрөөдөж байсан Шрект 'Ердөө ганц өдөр...' гэдэг тийм ч хэцүү зүйл биш мэт санагдсан тул шидтэний болзолыг зөвшөөрч гэрээнд гарын үсэг зурснаар бүх зүйл орвонгоороо эргэнэ. Нэг л мэдэхэд Рампелстилскин Far Far Away улсын хаан болсон байх ба Шрек илжигтэй уулзаагүй, Фионаг авраагүй харин гуталт муур тарган залхуу нэгэн болжээ. Ингээд Шрек бүх зүйлийг эргүүлэн байранд нь авчрахын тулд шитдэн Рампелстилскинтэй тэмцэлдэж эхэлнэ.