Дээд боловсролтой, оффисийн ажилтай Ананд нь өөртөө итгэлтэй, шоу цэнгээнд дуртай залуу бөгөөд нэгэн ням гарагийн оройг дотны найзууд болох Хүрнээ, Сүхээ, Бадрах нартай наргиж өнгөрүүлдэг. Хэтрүүлэн уусан тэр өдрийн маргааш нь даваа гарагт ажлаасаа хоцрон, чухал хуралд ирээгүй хариуцлага алдсаны улмаас ажлаасаа халагдана. Ананд үүнийг хүндээр хүлээн авахгүй бөгөөд тухайн өдрийг мөн л найзуудтайгаа сэтгэлээ засаж наргиж өнгөрүүлнэ. Гэтэл маргааш нь хэзээ ч төсөөлөмгүй үзэгдлүүд түүнийг угтана. Хайр дурлал, найз нөхөрлөл, эдийн шунал, хүний араншингийн тухай өгүүлэх энэхүү кино эхнээсээ төгсгөл хүртлээ адал явдал, үйл явдлын инээдмээр дүүрэн байх болно.