SBN телевизийн бүтээл 'Сонголт' олон ангит уран сайхны кино нь 30 ангит бөгөөд залуусын хайр дурлал, гуниг зовлонг харуулдаг. Ингэхдээ тэдний алхам тутамд тохиолдож буй сонголт, тэдгээрийг хэрхэн шийдвэрлэж байгааг маш сонирхолтойгоор үзүүлдэг. Киноны зураг авалт, дуу оруулалт, эвлүүлгийн 70 хувийг урьдчилан бэлдсэн байсан бол үлдсэн хувийг кино үзэгчдэд хүрч байх хугацаанд тухайн цаг үеийн нийгмийн амьдрал, үзэгчдийн санал асуулга дээр тулгуурлан зохиолын зарим хэгсийг шинэчлэн шууд хэлбэрээр хийжээ. Гадаадын олон ангит кинонд түгээмэл ашиглагддаг дээрх аргыг манайд 'Сонголт' кинонд анх удаа хэрэглэснээрээ ихээхэн онцлог болжээ.