Би чөтгөр харсан. Залуухан мөрдөгч Со Хюнд юутай ч зүйрлэшгүй эмгэнэлт явдал тохиолдсон нь түүний найз бүсгүй нь хөл хүндтэй байхдаа нэгэн харгис цуврал алуурчны гарт амиа алдсан явдал байлаа. Хайртай бүсгүйнхээ гэнэтийн аймшигт үхэлд цочирдож, харууссан Со Хюн цуврал алуурчнаас үхэн үхтэл нь зугуухнаар, хорлонтойгоор өшөө авахаар шийдэж сайн, муугийн зааг дээр тэнцэн зогсох болно. Цуврал алуурчин нь засаршгүй гаж донтой этгээд байж таарна. Со Хюн алуурчны биед нууцаар дохиолол тавьж явуулаад үйл хөдлөл бүрийг нь цаг үргэлж хянадаг. Ингээд гэмт хэрэг үйлдэхээр санаархах бүрт нь очиж нэвширтэл нь гөвшиж орхиод алалгүй буцаан явуулах болно. Гэвч алуурчин өөрийн биеэс дохиоллыг олж салгасны дараа Со Хюн түүний дараачийн үйлдлийг тааж мэдэхгүй арга болсноор үйл явдал тааварлах аргагүй өрнөнө.