Казино. Мартин Скорсезегийн ээлжит гайхамшигт бүтээл. Киноны үйл явдал мөрийтэй тоглоомын орон гэгддэг Лас Вегаст өрнөнө. Хэдий гял цал өнгө үзэмжтэй, зугаа цэнгэл бялхсан газар боловч хаа газраас илүүтэй харгис, хэрцгий үйл явдал, чулуун зүрхтнүүд ч энд олон бий. Эйс Ротстейн, Ники Санторо нарын хоёр дээрэмчин мөнгө олж, амьдралаа дээшлүүлэхийн тулд энэ ертөнц рүү нэвтэрнэ. Гэвч Эйс гудамжны биеэ үнэлэгчид дурлаж харин Ники хар тамхи, хүчирхийлэлд хэт донтох болсноор аажмаар түнжин хагарч тэдний хооронд мөнгө, эрх мэдлийн цуст тэмцэл өрнөх болно.